༄༅། །ཀྲུང་གོའི་བོད་བརྒྱུད་མཐོ་རིམ་ནང་བསྟན་སློབ་གླིང་གི་༢༠༡༦ལོའི་སློབ་མ་བསྡུ་བའི་སྒྲིག་ཡིག

发布时间: 2015-12-29 16:23:00 来源:

སློབ་གླིང་ངོ་སྤྲོད།

ཀྲུང་གོའི་བོད་བརྒྱུད་མཐོ་རིམ་ནང་བསྟན་སློབ་གླིང་ནི་ཀུན་གཟིགས་པཎ་ཆེན་སྐུ་ཕྲེང་བཅུ་བ་ཆེན་མོ་མཆོག་དང་ཀྲུང་གོའི་ནང་བསྟན་མཐུན་ཚོགས་ཀྱི་ཚོགས་གཙོ་ཀྲའོ་པུའུ་ཁྲུའུ་རྣམ་གཉིས་ཀྱི་འབོད་སྐུལ་འོག ༡༩༨༧ལོའི་ཟླ་༩ཚེས་༡ཉིན་པེ་ཅིན་དགོན་སེར་ནུབ་མར་བཙུགས། སློབ་གླིང་འདི་ནི་བོད་བརྒྱུད་ནང་བསྟན་གྱི་རྒྱལ་གཅེས་ཆོས་གཅེས་ཀྱི་སྤུས་ཚད་མཐོ་བའི་དགེ་འདུན་པ་གསོ་སྐྱོང་བྱེད་སའི་སློབ་གླིང་རིམ་པ་མཐོ་ཤོས་དང་། བོད་བརྒྱུད་ནང་བསྟན་གྱི་ཡོན་གནས་ལམ་ལུགས་གསར་པ་ལག་བསྟར་བྱེད་མཁན་དང་མཐོ་རམས་པའི་ཡོན་གནས་སྤྲོད་མཁན་གྱི་སྡེ་ཚན་ཉག་གཅིག་ཡིན། སློབ་གླིང་གིས་༢༠༡ལོ་ནས་མཐོ་རམས་སློབ་མའི་བསྡུ་ཚད་ཇེ་མང་ལ་ཏང་ཞིང་། སློབ་ཡུན་ལོ་༣ཡིན། འཁྲིད་བྱའི་ནང་དོན་གཙོ་བོར་ནང་རིག་དང་། ཐུན་མོང་གི་སློབ་ཚན། དེ་བཞིན་རྒྱ་ཡིག་སོགས་རིག་གནས་ཀྱི་སྐོར་ཡོད། ནང་རིག་དགེ་རྒན་རྣམས་ནི་ནང་རིག་གི་སྐུ་ཡོན་ཆེ་ལ་འཆད་རྩོད་རྩོམ་གསུམ་གྱི་གྲུབ་འབྲས་དང་ཉམས་མྱོང་ཕུན་སུམ་ཚོགས་ཤིང་སྙན་གྲགས་ལྡན་པ་ཤ་སྟག་ཡིན་པ་དང་། ཐུན་མོང་སློབ་ཚན་དང་རིག་གནས་སློབ་ཚན་ཁྲིད་མཁན་དགེ་རྒན་དག་ཀྱང་སློབ་གྲྭ་ཆེ་ཁག་དང་ཞིབ་འཇུག་ཚན་པའི་དགེ་རྒན་ཤ་སྟག་ཡིན། 

བོད་བརྒྱུད་ནང་བསྟན་གྱི་ཡོན་གནས་ལམ་ལུགས་ནི་བོད་བརྒྱུད་ནང་བསྟན་གྱི་གྲུབ་མཐའ་ཁག་གི་ཡོན་གནས་ལམ་ལུགས་རྒྱུན་འཛིན་དང་དཔྱད་གཞི་བཟུང་ཐོག དེང་རབས་ཀྱི་སློབ་གསོ་གཉེར་ཐབས་ལ་བརྟེན་ནས་བཙུགས་པའི་བོད་བརྒྱུད་ནང་བསྟན་གྲུབ་མཐའ་ཀུན་ལ་འཚམ་པའི་ཡོན་གནས་ལམ་ལུགས་གསར་བ་ཞིག་ཡིན། བསྡུ་བྱའི་སློབ་མ་རྣམས་ནི་གཞུང་བཀའ་པོད་ལྔ་སྦྱངས་པ་རགས་ཙམ་ཟིན་པ་ཤ་སྟག་ཡིན་དགོས།

སློབ་བསྡུའི་འཆར་གཞི་དང་མི་གྲངས།

རྒྱལ་ཁབ་ཆོས་དོན་ཅུའུ་ཡིས་གཏན་ལ་ཕབ་པའི་བོད་བརྒྱུད་ནང་བསྟན་གྱི་ཡོན་གནས་སྤྲོད་ཐབས།ཚོད་ལྟར་སྤྱོད་རྒྱུ)》གཞིར་བཟུང་སྟེ། ༢༠༡༦ལོར་ངེད་སློབ་གླིང་གིས་སྐབས་བཅུ་བཞི་བའི་མཐོ་རམས་པའི་འཛིན་གྲྭར་ཁྱོན་སློབ་མ་༣༩བསྡུ་རྒྱུ། དེར་དགེ་ལུགས་པའི་སློབ་མ༡༣དང་། ཇོ་ནང་བའི་སློབ་མ༡༣། བཀའ་བརྒྱུད་པའི་སློབ་མ༡༣བཅས་བསྡུ་རྒྱུ་ཡིན་ལ། སློབ་ཡུན་ལོ༣ཡིན། ཁྱོན་བོད་རང་སྐྱོང་ལྗོངས་ནས་སློབ་མ་དང་། སི་ཁྲོན་ནས་སློབ་མ་༡༤དང་། མཚོ་སྔོན་ནས་སློབ་མ་༡༣དང་། ཀན་སུའུ་ནས་སློབ་མ་༣དང་། ཡུན་ནན་ནས་སློབ་མ་༡བཅས་བསྡུ་རྒྱུ་ཡིན།

དགེ་ལུགས་པའི་འཛིན་གྲྭ་བོད་རང་སྐྱོང་ལྗོངས་ནས་སློབ་མ་༤དང་། སི་ཁྲོན་ནས་སློབ་མ་༣དང་། མཚོ་སྔོན་ནས་སློབ་མ་༣དང་། ཀན་སུའུ་ནས་སློབ་མ་༣བཅས་བསྡུ་རྒྱུ་ཡིན།

 ཇོ་ནང་བའི་འཛིན་གྲྭར་སི་ཁྲོན་ནས་སློབ་མ་༧དང་། མཚོ་སྔོན་ནས་སློབ་མ་༦བསྡུ་རྒྱུ་ཡིན།

བཀའ་བརྒྱུད་པའི་འཛིན་གྲྭར་བོད་རང་སྐྱོང་ལྗོངས་ནས་སློབ་མ་དང་། སི་ཁྲོན་ནས་སློབ་མ་༤དང་། མཚོ་སྔོན་ནས་སློབ་མ་༤དང་། ཡུན་ནན་ནས་སློབ་མ་༡བཅས་བསྡུ་རྒྱུ་ཡིན།

ཞིང་ཆེན་ཁག་ནས་བསྡུ་རྒྱུའི་སློབ་མའི་གྲངས་ཀ་རྒྱུགས་འབྲས་དངོས་ལ་གཞིགས་ནས་འགྱུར་བ་འོས་འཚམ་གཏང་རྒྱུ།

ཆོས་བརྒྱུད། /ས་ཁུལ   དགེ་ལུགས་པ།   བཀའ་བརྒྱུད་པ།   ཇོ་ནང་པ།   སྡོམ་གྲངས། 
 བོད་རང་སྐྱོང་ལྗོངས།            
 སི་ཁྲོན།            ༡༤ 
 མཚོ་སྔོན།            ༡༣ 
 ཀན་སུའུ།           
 ཡུན་ནན།           
 སྡོམ་གྲངས།   ཁྱོན་མི༡༣   ཁྱོན་མི༡༣   ཁྱོན་མི༡༣   ཁྱོན་མི༣༩ 

རྒྱུགས་སྤྲོད་ཆ་རྐྱེན།

ཆབ་སྲིད་ཐད་ཀྲུང་གོའི་གུང་ཁྲན་ཏང་གི་དབུ་ཁྲིད་ལ་བརྩི་བཀུར་དང་། སྤྱི་ཚོགས་རིང་ལུགས་ཀྱི་ལམ་ལུགས་ལ་དགའ་ཞེན། མེས་རྒྱལ་གོང་བུ་གཅིག་གྱུར་དང་མི་རིགས་མཐུན་སྒྲིལ་ལ་སྲུང་སྐྱོབ། སྒྲིག་ཁྲིམས་ལ་བརྩི་སྲུང་། ཁ་ཕྲལ་ལ་ངོ་རྒོལ་བྱེད་མཁན་ཞིག་དགོས་པ་དང་། ཆོས་ལུགས་ཀྱི་དད་པ་བརྟན་པ། ཚུལ་ཁྲིམས་གཙང་ཞིང་། ནང་རིག་གི་རྨང་གཞི་བཟང་པོ་དགོས་པ་མ་ཟད། རྩོམ་འབྲིའི་རྨང་གཞི་ངེས་ཅན་ལྡན་པའི་ཐོག ལུས་པོ་བདེ་ཐང་དང་། བོད་བརྒྱུད་ནང་བསྟན་གྱི་དགེ་འདུན་པ་ཡིན་དགོས། རྒྱུགས་སྤྲོད་མཁན་དགུང་ལོ་༣༠ཡན་ཡིན་དགོས།

མིང་ཐོ་འགོད་ཐབས།

དང་པོ་ནི་མི་སྒེར་རང་ཉིད་ནས་རང་འདོད་ལྟར་མིང་ཐོ་འགོད་པ་དང་། གཉིས་པ་ནི་ས་གནས་ཀྱི་འབྲེལ་ཡོད་སྡེ་ཁག་གིས་འོས་སྦྱོར་བྱས་ཏེ་མིང་ཐོ་བཀོད་ཆོག སློབ་མ་བསྡུ་བའི་ཁ་གྲངས་དང་བསྟུན་ནས། ཞིང་ལྗོངས་ལྔའི་འབྲེལ་ཡོད་སྡེ་ཁག་གིས་དངོས་སུ་བསྡུ་རྒྱུའི་སློབ་མའི་གྲངས་ཚད་ཀྱི་ལྡབ་༣ལས་མི་ཉུང་བ་འོས་སྦྱོར་བྱས་པའི་རྗེས། གཞི་ནས་མཐོ་རིམ་ནང་བསྟན་སློབ་གླིང་གིས་རྩ་འཛུགས་བྱས་པའི་སློབ་བསྡུའི་རྒྱུགས་ལ་ཞུགས་དགོས།

དུས་ཚོད་དང་བླང་བྱ།

ཞིང་ལྗོངས་ལྔའི་འབྲེལ་ཡོད་སྡེ་ཁག་གིས་ཟླ་༥པའི་ཚེས་༡གི་གོང་དུ། རང་ཁོངས་ཀྱི་རྒྱུགས་འབུལ་བའི་མིང་ཐོ་མཐོ་རིམ་ནང་བསྟན་སློབ་གླིང་ལ་སྤྲོད་དགོས་པ་མ་ཟད། ཐག་གང་ཉེའི་རྒྱུགས་ར་བདམས་ནས་དུས་ཐོག་ལ་ཁོང་རྣམས་རྒྱུགས་ལ་ཞུགས་སུ་འཇུག་དགོས། རྒྱུགས་ལ་ཞུགས་མཁན་རྣམས་ཀྱིས་རང་ཉིད་གནས་སའི་རྫོང་རིམ་པ་ཡན་རྫོང་རིམ་པ་ཚུད་ཡོདགྱི་འཐབ་ཕྱོགས་གཅིག་གྱུར་པུའུའམ་ཡང་ན་ཆོས་ལུགས་སྡེ་ཁག་ནས་ཆོག་མཆན་བྱུང་བའི་ཡིག་ཆ་དང་། རང་དགོན་གྱི་འོས་སྦྱོར་ཡི་གེ ཐོབ་ཐང་ལག་ཁྱེར། ཆོས་ལུགས་མི་སྣའི་ལག་ཁྱེར།སྤྲུལ་སྐུའི་ལག་ཁྱེར།སྐུ་པར་ཚོན་གཅིག་ཅན་གསུམ་བཅས་བསྣམས་ཏེ་ཕེབས་དགོས།

རྒྱུགས་ལེན་ཁྱབ་ཁོངས་དང་ལེན་ཐབས།

རྒྱུགས་ཀྱི་ནང་དོན་ལ་ནང་རིག་དང་། ཆབ་སྲིད། རིག་གནས་བཅས་ཁག་གསུམ་འདུས་ཡོད།

རྒྱུགས་ལེན་ཁྱབ་ཁོངས། ནང་རིག་གི་རྒྱུགས་ལེན་ཁྱབ་ཁོངས་ནི་ཚད་མ་དང་ཕར་ཕྱིན་》《དབུ་མ་བཅས་ཆ་ཚང་དང་།མཛོད་ཀྱི་གནས་དང་པོ་ནས་གནས་བཞི་བ་རྫོགས་ཀྱི་བར་ལེན་རྒྱུ། «འདུལ་བ»སྟོན་པས་ཐུགས་བསྐྱེད་ཚུལ་ནས་ལྔ་ཕྲུགས་རྫོགས་ཀྱི་བར་རྒྱུགས་ལེན་རྒྱུ། ཆབ་སྲིད་ལ་གཙོ་བོར་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་རྩ་ཁྲིམས་ཀྱི་ནང་དོན་ལེན་རྒྱུ། རིག་གནས་ཀྱི་སྐོར་ལ་སུམ་རྟགས་དང་རྩོམ་ཡིག་ལེན་རྒྱུ་ཡིན།

རྒྱུགས་ལེན་ཐབས། ནང་རིག་གི་རྒྱུགས་ནི་འཆད་རྩོད་གཉིས་ལས་རྩོད་རྒྱུགས་གཙོ་བོར་ལེན་རྒྱུ། དབུ་ཚད་ཕར་གསུམ་ཕྱོགས་ཀྱི་རིགས་ལུང་བས་རྟགས་གསལ་རེ་རེ་གཏོང་རྒྱུ་དང་། རྒྱུགས་སྤྲོད་པ་ནང་ཕན་ཚུན་དུ་ཁ་བྱང་འཐེན་ཏེ་དབུ་ཚད་ཕར་གསུམ་ལས་གང་བབས་གཅིག་གཏོང་རྒྱུ། མཛོད་འདུལ་གཉིས་རྒྱུགས་སྤྲོད་པས་སློབ་གླིང་གིས་བསྒྲིགས་པའི་རྟགས་གསལ་ཁ་བྱང་ལྔ་རེ་ལས་རེ་རེ་འཐེན་ནས་ནང་ཕན་ཚུན་ལ་གཏོང་རྒྱུ། ཆབ་སྲིད་ཀྱི་རྒྱུགས་སྤྲོད་སྐབས་དཔྱད་གཞིའི་ཡིག་ཆར་བལྟས་ཆོག་པ་དང་། རིག་གནས་ཀྱི་རྒྱུགས་སྤྲོད་སྐབས་དཔྱད་གཞིའི་ཡིག་ཆར་བལྟས་མི་ཆོག

སློབ་མ་བསྡུ་ཐབས།

མཐོ་རིམ་ནང་བསྟན་སློབ་གླིང་གིས་རྒྱུགས་འབུལ་བའི་རྒྱུགས་འབྲས་ལ་ཕྱོགས་ཡོངས་ནས་བརྟག་སྟེ། ཕུལ་བྱུང་གི་རིགས་བདམས་ནས་བསྡུ་ལེན་བྱ་རྒྱུ་ཡིན།

རྒྱུགས་ར་བཀོད་སྒྲིག་དང་རྒྱུགས་ལེན་པའི་དུས་ཚོད།

མཚོ་སྔོན་ཞིང་ཆེན་ཡུལ་ཤུལ་ཁུལ་ནང་བསྟན་སློབ་གྲྭར་རྒྱུགས་ར་དང་པོ་བཀོད་སྒྲིག་བྱ་རྒྱུ་ཡིན། དེ་གའི་རྒྱུགས་ལ་ཞུགས་མཁན་ནི་དགེ་ལུགས་པ་དང་བཀའ་བརྒྱུད་པའི་དགེ་འདུན་པ་ཡིན་དགོས། འབྱོར་ཐོ་འགོད་པའི་དུས་ཚོད་ནི་༢༠༡༦ལོའི་ཟླ་༥ཚེས་༢༩ནས་ཚེས་༣༠བར་ཡིན་པ་དང་། རྒྱུགས་ལེན་པའི་དུས་ཚོད་ནི་ཟླ་༦ཚེས་༡ནས་ཚེས་༤བར་ཡིན།

 ༢སི་ཁྲོན་ཞིང་ཆེན་རྔ་བ་རྫོང་སྒོ་མང་དགོན་པར་རྒྱུགས་ར་གཉིས་པ་བཀོད་སྒྲིག་བྱ་རྒྱུ་ཡིན། དེ་གའི་རྒྱུགས་ལ་ཞུགས་མཁན་ནི་དགེ་ལུགས་པ་དང་ཇོ་ནང་བའི་དགེ་འདུན་པ་ཡིན་དགོས། འབྱོར་ཐོ་འགོད་པའི་དུས་ཚོད་ནི་༢༠༡༦ལོའི་ཟླ་༥ཚེས་༢༩ནས་ཚེས་༣༠བར་ཡིན་པ་དང་། རྒྱུགས་ལེན་པའི་དུས་ཚོད་ནི་ཟླ་༦ཚེས་༡ནས་ཚེས་༤བར་ཡིན།

བོད་རང་སྐྱོང་ལྗོངས་ནང་བསྟན་སློབ་གླིང་དུ་རྒྱུགས་ར་གསུམ་པ་བཀོད་སྒྲིག་བྱ་རྒྱུ་ཡིན། དེ་གའི་རྒྱུགས་ལ་ཞུགས་མཁན་ནི་དགེ་ལུགས་པ་དང་། བཀའ་བརྒྱུད་པའི་དགེ་འདུན་པ་ཡིན་དགོས། འབྱོར་ཐོ་འགོད་པའི་དུས་ཚོད་ནི་༢༠༡༦ལོའི་ཟླ་༦ཚེས་༩ནས་ཚེས་༡༠བར་ཡིན་པ་དང་། རྒྱུགས་ལེན་པའི་དུས་ཚོད་ནི་ཟླ་༦ཚེས་༡༡ནས་ཚེས༡༤བར་ཡིན།

ཀན་སུའུ་ཞིང་ཆེན་བླ་བྲང་དགོན་དུ་རྒྱུགས་ར་བཞི་བ་བཀོད་སྒྲིག་བྱ་རྒྱུ་ཡིན། དེ་གའི་རྒྱུགས་ལ་ཞུགས་མཁན་ནི་དགེ་ལུགས་པའི་དགེ་འདུན་པ་ཡིན་དགོས། འབྱོར་ཐོ་འགོད་པའི་དུས་ཚོད་ནི་༢༠༡༦ལོའི་ཟླ་༦ཚེས་༩ནས་ཚེས་༡༠བར་ཡིན་པ་དང་། རྒྱུགས་ལེན་པའི་དུས་ཚོད་ནི་ཟླ་༦ཚེས་༡༡ནས་ཚེས་༡༤བར་ཡིན།

འབྲེལ་ཡོད་གསལ་བཤད།

སློབ་བསྡུའི་རྒྱུགས་ལ་ཞུགས་མཁན་སློབ་མ་རྣམས་རྒྱུགས་ལ་ཞུགས་སྐབས་ཀྱི་ལམ་གླ་དང་། མགྲོན་ཁང་གི་གླ་ཆ། དེ་བཞིན་ཞལ་ལག་གི་འགྲོ་སོང་སོགས་སློབ་མ་རང་ཉིད་ནས་གཏོང་དགོས།

རྒྱུགས་འཕྲོད་དེ་སློབ་གྲྭར་བསྡུས་རྗེས། སློབ་གྲྭར་བཞུགས་སྐབས་ཀྱི་ཁང་པ་དང་ཞལ་ལག་གི་འགྲོ་སོང་ཚང་མ་སློབ་གླིང་ནས་མཁོ་འདོན་བྱ་རྒྱུ། ལོ་རེར་དབྱར་གནང་ཐེངས་གཅིག་གཏོང་བ་ལས་དགུན་གནང་མེད། འབྲེལ་ཡོད་གཏན་འབེབས་ལྟར་ལོ་རེའི་དབྱར་གནང་སྐབས་ཀྱི་ལམ་གླ་སློབ་གླིང་ནས་རྩིས་ཞུ་བྱ་རྒྱུ།

འཁྲིད་བྱའི་ནང་དོན།

སློབ་ཡུན་ལོ་གསུམ་ཡིན། མཐོ་རིམ་ནང་བསྟན་སློབ་གླིང་དུ་ཉུང་མཐར་ཡང་ཟླ་༡༦གི་རིང་ལ་སློབ་གཉེར་བྱ་དགོས་ཤིང་། དེའི་རིང་ནང་རིག་སློབ་ཚན་གྱི་འཁྲིད་བྱའི་ནང་དོན་གཙོ་བོརདབུ་མ་ཡི་སྨད་ཆ་སྟེ་སེམས་བསྐྱེད་དྲུག་པ་ནས་མཇུག་བར་དང་། མཛོད་ཀྱི་སྨད་ཆ་སྟེ་གནས་ལྔ་བ་ནས་མཇུག་བར་དང་། འདུལ་བ་ཆ་ཚང་བཅས་ཡིན། ཚད་མ་དང་ཕར་ཕྱིན་བསྐྱར་སྦྱོང་བྱ་རྒྱུ།

ཐུན་མོང་གི་སློབ་ཚན་གྱི་འཁྲིད་བྱའི་ནང་དོན་གཙོ་བོ་ནི་ཏང་དང་རྒྱལ་ཁབ་ཀྱི་བྱེད་ཕྱོགས་སྲིད་ཇུས་དང་། རིག་པའི་གཞུང་ལུགས། ཁྲིམས་ལུགས་ཁྲིམས་སྲོལ། ལོ་རྒྱུས། རྒྱལ་སྤྱིའི་ཤེས་བྱ་ལ་སོགས་ཡིན། རིག་གནས་སློབ་ཚན་གྱི་འཁྲིད་བྱའི་ནང་དོན་གཙོ་བོ་ནི་རྒྱ་ཡིག་རྒྱ་སྐད་དང་། གློག་ཀླད། དཔྱད་རྩོམ་འབྲི་ཚུལ། བོད་ཡིག་གི་བརྡ་སྤྲོད་བཅས་ཡིན།

འབྲེལ་ཡོད་གཏན་འབེབས་ལྟར། སློབ་གླིང་གིས་སྦྱངས་འབྲས་ལེགས་པའི་སློབ་མར་ལོ་རེར་ཉུ་མཐར་སྒོར་ཉིས་སྟོང་གི་བྱ་དགའི་དངུལ་སྤྲོད་རྒྱུ་ཡིན།

ཡོན་གནས་སྤྲོད་ཐབས་སྐོར་གྱི་གསལ་བཤད།

མཐོ་རམས་པའི་ཡོན་གནས་སྤྲོད་པའི་ཆ་རྐྱེན་ནི། སློབ་སྦྱོང་སྦྱང་འབྲས་དང་ཕྱོགས་བསྡུས་སྦྱངས་འབྲས་ཚད་ལོངས་པའི་ཁར། རྒྱུགས་ལེན་ཐོབ་ཐང་ཞིབ་བཤེར་དང་དཔྱད་རྩོམ་བགྲོ་གླེང་། ཡོན་གནས་རྩོད་རྒྱུགས་སོགས་ལོན་པའི་མཐོ་རམས་འཛིན་གྲྭའི་སློབ་ཐོན་སློབ་མ་ཡིན་ན། ད་གཟོད་མཐོ་རམས་པའི་ཡོན་གནས་སྤྲོད་རྒྱུ།

མཐར་ཕྱིན་སློབ་མའི་ཡོན་གནས་ཕྱིར་འགྱངས་ཞེས་པ་ནི། སློབ་སྦྱོང་གི་སྦྱངས་འབྲས་དང་ཕྱོགས་བསྡུས་སྦྱངས་འབྲས་ཚད་མ་ལོངས་པའམ། ཡང་ན་ཐ་མ་ཡིན་ཚེ། ཡོན་གནས་རྩོད་རྒྱུགས་སུ་ཞུགས་མི་ཆོག ཡོན་གནས་ཕྱིར་འགྱངས་པའི་སློབ་མས་སྐབས་རྗེས་མའི་གྲུབ་མཐའ་གཅིག་པའི་ཡོན་གནས་རྩོད་རྒྱུགས་ལ་ཞུགས་ཏེ་མཐོ་རམས་པའི་ཡོན་གནས་ཞུས་ཆོག

 

 

 

མཚོ་སྔོན་ཡུལ་ཤུལ་དང་བོད་ལྗོངས་ལྷ་སའི་རྒྱུགས་རའི་འབྲེལ་གཏུག་པ།  

དཔལ་རྡོར་སྐྱབས། 13811410556  རིག་འཛིན་རྒྱ་མཚོ། 18910313328

སི་ཁྲོན་རྔ་བ་དང་ཀན་སུའུ་བླ་བྲང་གི་རྒྱུགས་རའི་འབྲེལ་གཏུག་པ།  

སངས་རྒྱས་སྐྱབས། 18910877508 འཇིགས་མེད་གྲགས་པ།18910877509

པེ་ཅིན་གྱི་འབྲེལ་གཏུག་པ། ཨོ་རྒྱན། 18910877505   

སློབ་གླིང་གི་འབྲེལ་གཏུག་ཁ་པར། 010-58334617དང58334670  

བརྙན་སྐྱེལ།010-58350922     

དྲ་གནས། http://zyxgjfxy.cn

འབྲེལ་གཏུག་བྱ་ཡུལ། པེ་ཅིན་གྲོང་ཁྱེར་ཁྲའོ་དབྱང་ཁུལ་དགོན་སེར་ལམ་ཆེན་སྒོ་རྟགས་11པ། 

སྦྲགས་ཨང་། 100120

通讯地址:北京市朝阳区德胜门外黄寺大街11号

ཀྲུང་གོའི་བོད་བརྒྱུད་མཐོ་རིམ་ནང་བསྟན་སློབ་གླིང་ནས།     

                                                                                                                                                                                                                                                                                                                                                                                                                                           ༢༠༡ལོའི་ཟླ༡༡ཚེས་༡༡ཉིན།